O Plan de Igualdade entre mulleres e homes de Avansig intégrase como unha das normas básicas para o funcionamento da empresa e a regulación dos seus empregados en termos de igualdade. Mediante o uso da ferramenta de Autoavaliación en Igualdade Laboral nas empresas de Galicia, da Xunta de Galicia, elaborouse un informe completo que sentou os precedentes para a elaboración do vixente Plan de Igualdade.

A igualdade de trato e oportunidades entre mulleres e homes é, por tanto, unha prioridade no Plan Estratéxico da empresa, considerándose como un principio fundamental das relacións laborais e da xestión dos recursos humanos da Empresa.

O compromiso da Dirección e a implicación do persoal en materia de igualdade é unha obrigación que pretende que este Plan de Igualdade sexa un instrumento efectivo de mellora do clima laboral, da optimización das capacidades e potencialidades de todo o persoal e, con iso, que permita mellorar a calidade de vida e o aumento da produtividade da empresa, e non limitarse a ser un mero documento.